موضوع: شويه نكت من الاخر هههههههههههههههههههه الخميس مايو 06, 2010 3:22 pm
السلام عليكم رجعتلكم تاني نكت جديدة يارب تعجبكم
1-صعيدى سافر امريكا و اشتغل على تاكسى و هو معدى قدام بار واحده لابسه مايو بكينى شاورتله فوقفلها و ركبت و قالتله عايزه اروح الحته كذا المهم قالها حاضر يافندم و طول ماهو سايق عمال يبصلها فى المراية فالست قالتله : اسكيوز مى انا عجبتك ولا انت اول مرة تركب معاك واحده لابسه بكينى ؟ قالها لا ده ولا ده انا بس نفسى اعرف هطلعيلى الاجره منين
2-بيقولك كان فى مسابقة اللى هيدخل يسرق اى حاجة من شقة الراجل العجوز وميحسش بيه هياخد مليون جنيه المهم الراجل العجوز كان عنده قطة دخل الامريكى يسرق وهو خارج وقع الكرسى فقال العجوز مين? رد عليه وقال نيووووو قال العجوز دى القطة مش مهم راح داخل الفرنسى يسرق وهو خارج وقع الكرسى فقال العجوز مين رد عليه وقال نيوووووو فقال العجو...ز دى القطة مش مهم دخل الصعيدى يسرق وهو خارج وقع الكرسى فقال العجوز مين قاله انا الجُطة
3-ذات يوم رأت الأميرة ليلى الثعلب خلف شجرة فسألته: هل انت الثعلب؟ فقال لها نعم .. ثم رأت الاميرة ليلى الثعلب خلف صخرة فسألته :هل انت الثعلب ؟ فقال لها نعم .. ثم رأت الاميرة ليلى الثعلب داخل مغارة فسألته : هل أنت الثعلب ؟ فقال لها: ايوا انا الزفت انا الهباب انا الطين .. سيبينى بقى اعرف اعمل حمام
4-اتنين حراميه دخلوا شقة بليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه
5-واحدة رفيعه اووووى ومش بيجلها عرسان خالص من رفعها .. امها جاتلها فكرة انها تجيب جرايد كتير و تلفها حولين البنت من تحت الهدوم كده فـ تبان تخينة شوية .. واحد شافها وعجبته واتجوزها وليلة الدخله كل ميشيل جرنال يلاقى واحد تحته ، يشيله يلاقى جرنال تحته.. سابها وراح اتصل بحماته وقالها : ايه يا حجه ؟ هيا بنتك على الصفحة كام
6-مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ? قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ??? قاله لأ.. فنزل الراجل وسأله : امال عايز ايه ? قاله عايز بلونتين
7-واحد كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى تالت يوم يعمل نفس الحكاية .. فالراجل زهق و قال لما اعمله كيكة طماطم و امرى لله .. جه تانى يوم وقاله عندكوا كيكة الطماطم ؟ فالراجل قاله ايوا يا سيدى .. قاله : يععععععع بتاكلوها ازاى دى ؟؟؟
8-واحد واخد صاحبه معاه بيفرجه على شقته وبيقوله : دا بقا الصالون ودا الانتريه ودا الحمام .. ودخل اوضه النوم شاف مراته مع واحد غريب ام خارج بسرعه وقفل الباب وراه وقال لصاحبه أأ..أ أ..أعملك شاى ؟؟؟ فصاحبه قاله: شاى ايه ياعم واللى مع مراتك جوا دا ؟؟؟ قاله: لا دا يبقى يعمل لنفسه بــروح أمــه
9-بلديتنا اتجوز ، مراته خلفت بعد شهر واحد من الجواز .. واحد قاله ازاى كده ؟؟!!! قاله اعوذ بالله يا أخى حتى الحسد فى دى كمان
10-مرة واحد مخنوق اوى من الدنيا كلها جرس الباب رن الساعه 10 الصبح فصحى و فتح الباب لقى وحدة مذيعة بتقله ممكن نعرف ياترى بتعمل ايه اول تقوم من النوم ؟ قالها انا بقوم من أم النوم اروح أم الحمام افتح أم الحنفية اغسل أم وشى اروح أم الاوضه اقلع أم الترنج البس ام البنطلون انزل من أم الشقة اركب أم الاتوبيس اروح أم الشغل وبعد ما ...اخلص ام الشغل ارجع أم البيت وخلاص .. قالتله المزيعة: يا فندم يلعن أم البرنامج اللى خلانا نشوف أم وشك
كلب شوارع شاف حلو بوليسي قال آه لو كملت تعليمي ..
بلدياتنا حب واحدةاتجوز اختها علشان يشوفها كل يوم ..
مشرف عاوز يعرف خطيبته بتحبه ولا لا دخل على المنتدى وبدأ يحذف فى المواضيع واحد واحد وهو بيقول بتحبنى .. م.بتحبنيش..بتحبنى ..مبتحبنيش
*مشرف خلف توأم احتفظ بواحد وحط التانى فى قسم المواضيع المكررة .
مرة واحد شاف نملة بتعيط مسكها علي ايدة وقلها بتعيطي له قالت له علتي كلهم ماتو مفضلش غيري فضرب كف علي كف وقال لا حول ولا قوة إلا بالله
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفت الاسد ، قالهم لأ أنا شوفت الطبق اللي بياكل فيه بس
بخيل راح يزور امه فى المستشفى لقى مكتوب على الباب( ادفع) قال ربنا يشفيها ابقى اشوفها لما ترجع البيت..
مسطول حاضر عزاء واحدة حلوة ,القارئ قال :اذكروا محاسن موتاكم ,قال المسطول :الله يرحمها كانت صاروخ!!